लोकपाटी न्यूजकाठमाडौं। साताको सुरुको दिन आइतबार सुन–चाँदीको भाउमा सामान्य गिरावट आएको छ। नेपाल सुनचाँदी व्यवसायी महासंघले आजका लागि छापावाल सुनको भाउ तोलाको ९१ हजार ३०० रुपैयाँ कायम गरेको छ। गएको शुक्रबार तोलाको ९१ हजार ७०० रुपैयाँमा कारोबार भएको थियो। शुक्रबारको तुलनामा तोलामा ४०० रुपैयाँले भाउ घटेको हो।
यस्तै, तेजाबी सुनको भाउ पनि तोलामा ४०० रुपैयाँले घटेर तोलाको ९० हजार ८०० रुपैयाँ कायम भएको महासंघले जनाएको छ। आज चाँदीको भाउ पनि तोलामा १० रुपैयाँले कमी आएको छ। आइतबारका लागि चाँदीको भाउ तोलाको १३ सय १० रुपैयाँ कायम भएको महासंघले जनाएको छ। शुक्रबार तोलाको १३ सय २० रुपैयाँमा कारोबार भएको थियो।
