लोकपाटी न्यूजकाठमाडौं। न्यूजिल्याण्डमा जारी आईसीसी महिला एकदिवसीय विश्वकपको उपाधि अष्ट्रेलियाले जितेको छ। आइतबार भएको फाइनल खेलमा इंग्ल्याण्डलाई ७१ रनले हराउँदै अष्ट्रेलियाले विश्वकप उपाधि जितेको हो।
फाइनल खेलमा अष्ट्रेलियाले दिएको ३ सय ५७ रनको विशाल लक्ष्य पछ्याएको इंग्ल्याण्डले ४३.४ ओभरमा सबै विकेट गुमाएर २ सय ८५ रन मात्र बनाउन सक्यो। उसका लागि नाट सिभरले शतकीय इनिङ खेलेपनि जित दिलाउन सकिनन्। उनले १ सय २१ बलमा १५ चौका र १ छक्का प्रहार गर्दै १ सय ४८ रनमा अविजित रहिन्।
यस्तै टामी बिउमोंटले २७, कप्तान हेथर नाइटले २६, यमी जोन्सले २०, सोफिया डंक्लेले २३ र चार्ली डीनले २१ रन बनाउनु बाहेक अन्य खेलाडीले दोहोरो अंक छुन सकेनन्।
अष्ट्रेलियाको जितमा एलना किङ र जेस् जोनासेन समान ३र३ तथा मेगन चुटले २ विकेट लिइन्। यसअघि टस हारेर पहिले ब्याटिङ गरेको अष्ट्रेलियाले ५० ओभरमा ५ विकेट गुमाएर ३ सय ५७ रन बनायो। उसको ठुलो स्कोरमा एलेस्या हिएलेले १ सय १७ रनको शतकीय इनिङ खेलिन्। अष्ट्रेलियाले यो सहित ७ पटक विशेकाप जितेको हो।
