लाेकपाटी न्यूजनवलपरासी, ३ असोज । पश्चिम नवलपरासीमा श्रीमतीद्वारा आफ्नै श्रीमानको हत्या भएको छ । पश्चिम नवलपरासीको रामग्राम ३ घोडापालीका बर्ष ४१ का रविन्द्र पाण्डेलाई उनकै श्रीमती सरस्वती पोखरेल पाण्डेले परपुरुषसँगको मिलेमतोमा हत्या गरेकाे प्रारम्भिक अनुसन्धानबाट खुल्न आएको प्रहरीले जनाएको छ ।
मृतक रविन्द्र पाण्डे गत भाद्र १८ गते साझँ देखि सम्पर्कविहिन भएका थिए । उनको खोजतलास गर्दै जाँदा रामग्राम ३ घोडापाली आर्दशटोल स्थीत हरिशुसील आधारभूत विद्यालयको ट्वाइलेटको सेप्टी टंकी भित्र शव सडेको अवस्थामा फेला परेको हो ।
मृतक पाण्डेको श्रीमतीको अन्य पुरुषसँग असमाजिक सम्वन्ध रहेको र उनीहरुको मिलेमतोमा हत्या भएको अनुसन्धानबाट खुलेको हुदाँ मृतक पाण्डेको श्रीमती सरस्वती पोखरेल पाण्डे लाई प्रहरीले नियन्त्रणमा लिइएको छ ।
उनीसँगै हत्यामा संलग्न पुरुषको पनि खोजी कार्य जारी रहेको जिल्ला प्रहरी कार्यालय पश्चिम नवलपरासीका सूचना अधिकारी तथा प्रहरी नायव निरिक्षक विरेन्द्र थापाले जानकारी दिए।
