लाेकपाटी न्यूजकाठमाडौं । गायिका स्मिता दाहालको अर्को नयाँ गीतकाे भिडियाे सार्वजनिक भएकाे छ । शुभ मिडिया हाउसको प्रस्तुतिमा दाहाल तथा राजनराज शिवाकोटीको स्वर रहेको ‘मायालु तिमी कहाँ छौ’ गीतकाे भिडियो आज डिजिटल रुपमा सार्वजनिक गरिएको हो ।
अहिले यो गीत युटुवको ट्रेडिङ नम्बर तीनमा रहन सफल भएको छ । आज अपराह्न गज्जबको टेलिभजनको युट्युब च्यानलमार्फत गीतको औपचारिक रुपमा सार्वजनिक गरिएको छ । दाहालको स्वरमा रहेको गीतको भिडियोमा सरोज अधिकारी र आश्मा विश्वकर्माको अभिनय देख्न सकिन्छ । गीतमा दाहाल स्वयंले समेत नृत्य गर्दै अभिनय गरेकी छन् ।
उत्कृष्ट छायांकन रहेको गीतलाई दिनेश थपलियाले रचना गरेका हुन् । दाहाल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’की नातिनी हुन् । उनले यसअघि एक दर्जन बढी गीतमा स्वर दिइसकेकी छन् ।
भिडियाे हेर्नुस्ः
