लाेकपाटी न्यूजकाठमाडौं, ९ जेठ। जनकपुरमा डकैती गर्न आएको भारतीय आपराधिक समूहलाई प्रहरीले पक्राउ गर्ने क्रममा गोली चलाएको छ।
डकैती गर्न आएको भारतीय समूहमाथि २ नम्बर प्रदेश प्रहरी कार्यालयबाट खटिएको प्रहरीको टोलीले गोली प्रहार गरेको हो। जनकपुर उपमहानगरपालिका विहारकुण्ड मन्दिरको महन्तमाथि लुटपाट गर्ने उद्देश्यका साथ भारत समस्तीपुरबाट नेपाल आएको ७ जनाको भारतीय लुटेरा समूहमाथि प्रहरीले गोली प्रहार गरेको हो।
प्रहरीका अनुसार ६ जना भारतीय लुटेरा पक्राउ परेका छन् भने खुट्टामा गोली लागेका एकको जनकपुर अस्पतालमा उपचार भइरहेको छ। प्रहरीले लुटेरा समूहबाट ६ राउण्ड गोली, लोड गरिएको सिक्सर पेस्तोल १ थान, एक थान कटुवा पेस्तोलसमेत बरामद गरेको प्रहरीले जनाएको छ।
खुला सिमाना भएकै कारण नेपाल भारत सिमामा भारतीय अधिकारीहरुको र्दुव्यवहारमात्र होईन आपराधिक गतिविधी पनि निकै बढ्ने गरेको छ।
