लाेकपाटी न्यूजकाठमाडौं, ५ जेठ। आइतबार त्रिशुली नदीमा बस खस्दा मृत्यू हुनेको संख्या ७ पुगेको छ। काँकडभिट्टाबाट काठमाडौंका लागि हिडेको यात्रुबाहक बस नदीमा खसेको हो।
बस सडकबाट ६० मिटर तल त्रिशुली नदिमा खसेको थियो। गजुरी गाउँपालिका ६ बन्छेटारको आदमघाटमा ना ७ ख ४३८७ नम्बरको बस त्रिशुली नदीमा खस्दा दुर्घटना भएको हो।
मृत्यु हुनेमा काठमाडौं चन्द्रागिरि नगरपालिकाकी ३५ वर्षकी सीता थपलिया, काठमाडौं थानकोटका ५१ वर्षका राजकुमार सुवेदी, इलामका २० वर्षका विशाल गिरी र धादिङका राजन आचार्य यस्तै मृतक प्रकाश श्रेष्ठ, शेखर मगर र उज्वल पाण्डेको भने ठेगाना खुलेको छैन।
घाईतेहरुको विभिन्न अस्पतालहरुमा उपचार भईरहेको छ।दुर्घटनाको कारण खुल्न सकेको छैन।
