लाेकपाटी न्यूजअछाम, ५ भदौ। अछामको बान्नीगढी जयगढ गाउँपालिका ५ कालिकामा जिप दुर्घटना हुँदा तीन जनाको मृत्यु भएको छ। बुधबार बेलुका सवा ८ बजे मुजाबगरबाट जयगढतर्फ जाँदै गरेको से१ज ९९५ नम्बरको जिप सडकबाट करिब ७०० मिटर तल खसेको अछाम प्रहरीले जनाएको छ।
दुर्घटनामा मृत्यु हुनेमा जिपमा सवार बान्नीगढी जयगढ ४ का ३८ वर्षीय कालु सिंह आउजी, सोही ठाउँका ३५ वर्षीय अशोक परियार र बैतडीको डिलासैन गाउँपालिका ३ का २२ बर्षीय लाल बहादुर बोहोरा रहेका छन्। बोहोराको घटनास्थलमै मृत्यु भएको हो ।
उजी र परियारको भने उपचारको क्रममा मृत्यु भएको जिल्ला प्रहरी कार्यालय अछामले जानकारी दिएको छ।प्रहरीका अनुसार चालकसहित तीन जना भने घाइते भएका छन् ।घाइतेहरुको न्याय हेल्थ बयलपाटा अस्पतालमा उपचार भइरहेको छ ।
