लाेकपाटी न्यूजकाठमाडाैं, २० जेठ। तेक्वान्दाे संघकाे अध्यक्षमा फेरि शिव काेइराला निर्वाचित भएका छन्। राष्ट्रिय तेक्वान्दो संघको आइतबार सम्पन्न साधारण सभाले कोइरालालाई पुन: अध्यक्षमा निर्वाचित गरेकाे हाे।
त्यस्तै संघको वरिष्ठ उपाध्यक्षमा एकनाथ थापा, अर्का उपाध्यक्षमा जनक प्रसाद बर्तौला, महासचिवमा पुनः राजकुमार कार्की, सचिवमा राकेश कुमार राई र शनिस लागेजु तथा कोषाध्यक्षमा पदम राना निर्वाचित भएका छन् ।
यसैगरी सदस्यहरुमा विकाश श्रेष्ठ, मनोज कुमार सिंह, धिरेद्र सिंह कठायत, द्वारिका रेग्मी, गौतममान मर्हजन, महम्मद सागी शेख, बुद्धिबहादुर थापामगर, प्रेमबहादुर भुजेल, सुनिता मैनाली र राजेश लामा रहेका छन् ।
साधारण सभामा ४९ जिल्लाका दुई/दुई प्रतिनिधि, कार्यसमितिका ३४ र सात प्रदेशका २१ गरी कुल १५३ प्रतिनिधिहरुको सहभागिता रहेको थियो । साधारण सभाको राष्ट्रिय खेलकुद परिषदका सदस्य सचिव केशव कुमार बिष्टले उद्घाटन गरेका थिए ।
