लोकपाटी न्यूजकाठमाडौं। नेपाली क्रिकेट टिमका युवा ब्याटर दीपेन्द्रसिंह ऐरीले एकदिवसीय अन्तराष्ट्रिय क्रिकेटमा शतक बनाएका छन्। शनिबार पपुवा न्युगिनी (पीएनजी)विरुद्ध ऐरीले आफ्नो पहिलो शतक बनाएका हुन्।
उनले १ सय ३६ बलमा ६ चौकाको मद्दतमा शतकीय पारी खेलेका हुन्। योसँगै ऐरी एकदिवसीय अन्तराष्ट्रिय क्रिकेटमा शतक बनाउने तेस्रो नेपाली खेलाडी बनेका छन्। यसअघि पारस खड्का र रोहित पौडेलले शतक बनाएका थिए।
पारसले सन् २०१९ मा यूएईविरुद्ध शतक प्रहर गर्ने पहिलो नेपाली खेलाडी बनेका थिए। रोहितले शुक्रबार पीएनजीविरुद्ध १ सय २६ रनको शतकीय इनिङ खेल्दै सर्वाधिक रनको कीर्तिमान बनाएका थिए।
खेलमा खराब सुरुवात गरेको नेपालका लागि दिपेन्द्र र देव खनालले कीर्तिमानी साझेदारी गर्दै नेपाललाई बलियो स्तिथिमा पुर्याएका थिए। दोस्रो खेल खेल्दै गरेका देवले ७२ रन बनाएर आउट भए।
