लोकपाटी न्यूजसभ्य बन्न सिकौं
तिम्रो घमण्डले सोचाइ बिग्रेको, अविश्वासले धोका।
धेरै जन्मेका रहेछन् भ्रष्टाचारी, थोरै होलान् चोखा।
शुद्ध छैन न्याय पनि किनबेच हुने पोको।
महलबाट खै देख्याै र तिम्ले भोका नाङ्गा रोको।
राम्रो विकास गर न साथी पर्दैन अमर ठान्नु ।
तिम्रो भुल हो तिमीले खाए झैं मृत्यु ले घुस खान्छ ?
मात्र बाँकी रहेछ तिमीले एउटा कुरा जान।
निर्दोषको हात बाँध्न सक्छौ तर कहाँ सक्छौ मृत्यु बाँध्न।
विकास निर्माण पछि पार्न भ्रष्टहरुको छायाँ ।
आफ्नाे इमानदारी बेच्नु हुन्न गरौं देशको माया।
यही त हो ठूलो भुल सबैलाई एकै ठान्छन् ।
छट्पटिँदा राेगले हामी आफू भने विदेश जान्छन्।
सबै नागरिक समान हुन् सत्य यही ठान्नु ।
पक्षपाती बन्नु हुन्न शुद्ध न्याय दिन जान्नु ।
सबैले सभ्य बन्न सिके हुने थियो राम्रो ।
घुसखाेरीकाे अन्त्य भए देश बन्छ हाम्रो ।
उल्टो ध्वनि सुन्ने दोषी कान
तिम्रो पनि थिएन होला दोष आफूलाई सत्य सम्झेर होला।
मनमुटाव किन हुन्छ मित्रतामा सोचाइ बिपरित हुँदा ।
फर्केर आफूलाई राम्ररी नहेरी अर्कोलाई दोष दिनु किन ?
सम्झेर हेर मानव जीवन कति समय मृत्युबिहिन रहला।
कुराले हो सत्यता नबुझी निकटका साथी पनि बिर्सने ।
आफैँलाई देख्छन् रे गतिलो म नै हो असल भनेर ।
साथी छ अति असल दोष नभएको शुद्ध तर ।
छिनभरमै कसरी मित्रताको बन्धन तोडेर दुश्मनझैँ पर।
आफ्नो कमजोरी केलाउने गर्छ निर्दोषले गाली सहेर रहँदा ।
बुझ्दैन तर उसको प्यारो मित्रले मर्का उल्टो ध्वनि सुन्ने कान हुँदा।
त्यसैले बिचार पुर्याउने गरौं, सबैले सोचेर दिमागले अति।
सत्य तथ्य नबुझी कुरा साथी त्याग्नु हुन सक्छ ठूलो क्षति ।
- तिलक थापा, अरुण गाउँपालिका-७, भाेजपुर ।
