लोकपाटी न्यूजकाठमाडौं । बाग्मती प्रदेशका मुख्यमन्त्री राजेन्द्र पाण्डेले विश्वासको मत मागेका छन् । उनले सोमबारको प्रदेश सभा बैठकमा विश्वासको मत मागेका हुन् ।
गठबन्धनका दलहरू नेकपा माओवादी केन्द्र, नेपाली कांग्रेस र जनता समाजवादी पार्टी नेपालको सहमतिमा नेकपा एकीकृत समाजवादी बाग्मती प्रदेश संसदीय दलका नेता समेत रहेका पाण्डे मुख्यमन्त्रीमा नियुक्त भएपछि आज विश्वासको मत लिँदैछन् । पाण्डे कात्तिक ११ गते मुख्यमन्त्रीमा नियुक्त भएका थिए ।
संविधानको धारा १६८ को उपधारा (२) अनुसार प्रदेश सभामा कुनै दलको स्पष्ट बहुमत नरहे दुई वा सोभन्दा बढी दलको समर्थनमा बहुमत प्राप्त गर्नसक्ने प्रदेश सभाका मुख्यमन्त्रीले ३० दिनभित्र प्रदेश सभाबाट विश्वासको मत लिनुपर्ने संवैधानिक प्रावधान अनुसार उनले आज विश्वासको मत लिन लागेका हुन् ।
१०९ प्रदेश सभा सदस्य कायम रहेको प्रदेश सभामा बहुमतका लागि ५५ जना प्रदेश सभाका सदस्य आवश्यक पर्छ । पाण्डेको पक्षमा ५९ जनाले हस्ताक्षर गरेका छन् ।
