लोकपाटी न्यूजकाठमाडाैं। सर्वाेच्च अदालतभित्रै प्रधानन्यायाधीश विरुद्ध माेर्चाबन्दी शुरु भएकाे छ। सरकारमा आफ्नो हिस्सा खोजेको र रहेका नियुक्तिमा भाग खोजेको भन्दै समाचार आउन थालेपछि प्रधानन्यायाधीश चाेलेन्द्र शमशेर जबरा विरुद्ध मोर्चाबन्दी सुरु भएको हाे ।
प्रधानन्यायाधीशकै कारण न्यायपालिकाको गरीमामाथि प्रश्न उठेको र प्रतिष्ठामा आँच आएको भन्दै यसबाट गम्भीर बन्नुपर्ने बेला आएको न्यायाधीशहरुले बताएका छन्।
एक न्यायाधीशले भने, ‘यतिबेला न्यायपालिका गम्भीर संकटमा धकेलिएको छ । कुनै व्यक्तिको कारण न्यायपालिकाको गरीमामाथि प्रश्न उठ्ने दिन आउन दिनु हुँदैन । अदालतप्रति नै जनताको भरोसा उठ्न छाड्यो भने देशमा गम्भीर संकट आउन सक्छ । कुनै व्यक्तिका कारण सिङ्गो न्यायपालिकामाथि हस्तक्षेप र बदनामी स्वीकार्य हुन सक्दैन । त्यसकारण हामी कसरी अगाडि बढ्ने भनेर गम्भीर छलफलमा छौँ ।’
यतिबेला प्रधानन्यायाधीशको काम कारवाही र तौरतरिकाको विषयलाई लिएर १९ मध्ये १५ जना न्यायाधीश एकातिर रहेको जनाइएकाे छ। त्यसाे हुँदा प्रधानन्यायाधीशसँग चार न्यायाधीश मात्र रहने बुझिएकाे छ।
