लाेकपाटी न्यूजकाठमाडौं, १३ माघ। गायक सर्जक एवं संगीतकार शिव हमालको नयाँ लोक दोहोरी गीत ‘आज मुटु दुखेनस् किन’ सार्वजनिक भएको छ। गायक हमालले आफ्नै युट्युब च्यानलमार्फत् ‘आज मुटु दुखेनस् किन’ गीतको भिडियो सार्वजनिक गरेका हुन्।
प्रेम प्रमीकाको बिछोड पछिको पीडालाई गीतमा उत्कृष्ट ढंगले प्रस्तुत गरिएको छ। गीतमा चर्चित लोक दोहोरी गायिका विष्णु माझी र बलराम बिकले स्वर दिएका छन्।
गीतमा लय, शब्द शिव हमालको रहेको छ भने शिशिर पौडेल र आयुष्मा कार्कीको अभिनय रहेको छ। साइ भिजन प्राइभेट लिमिटेडले निर्माण गरेको गीतको भिडियोलाई प्रकाश भट्टले निर्देशन गरेका हुन्।
सर्जक हमालले अहिलेसम्म १३ सय भन्दा बढी गीत लेखन, संगीत संयोजन र गायनसमेत गरिसकेका छन्।हेर्नुहोस् भिडियो
