लाेकपाटी न्यूजजनकपुर, ५ मंसिर । जनकपुरमा एक महिलाले तिम्ल्याहा शिशु जन्माएकी छिन्। आज जनकपुरधाम उपमहानगरपालिका वडा नम्बर १ का बजरंगप्रसाद जयसवालकी पत्नीले धनुषा अस्पतालमा एकै पटक तीन शिशु जन्माएकी हुन्।
मंसिर ३ गते सुत्केरी व्यथा लागेपछि उपचारका लागि ल्याइएकी बजरंगकी पत्नीले आज बिहान शल्यक्रियामार्फत् बच्चा जन्माएको धनुषा अस्पतालले जानकारी दिएको छ। उपचारमा संलग्न चिकित्सकका अनुसार तीन वटै शिशुको तौल २ किलोग्राम भन्दा माथि छ।
प्रत्येक एक मिनेटको अन्तरालमा २ छोरी र १ छोराको जन्म भएको हो। तीन वटा शिशुमध्ये एउटा शिशुको स्वास्थ्य अवस्था केही कमजोर रहेका कारण आईसियुमा राखेर उपचार भइरहेको जनाइएको छ।
