लाेकपाटी न्यूजकैलाली, १४ साउन । प्रहरीले कैलालीको अत्तरियावाट चितुवाको छालासहित २ जनालाई पक्राउ गरेको छ।चितुवाको छाला बेचबिखन र ओसार पसार भैरहेको भन्ने विशेष सूचनाको आधारमा जिल्ला प्रहरी कार्यालय कैलालीबाट खटिएको टोलीले गोदावरी नगरपालिका ४ बाट चितुवाको २ थान छालासहित उनीहरुलाई पक्राउ गरिएको हो।
पक्राउ पर्नेमा डोटी बढिकेदार गाउँपालिका ५ का २३ वर्षीय राजेन्द्र थापा र कैलाली चुरे गाउँपालिका १ का ३२ वर्षीय रामबहादुर विष्ट छन्। प्रहरीले चितुवाको छालासहित उनीहरुलाई मंगलबार पत्रकार सम्मेलन गरेर सार्वजनिक गरेको छ।
डोटी बढिकेदार गाउँपालिकामा शिकार गरी राजेन्द्रले चितुवाको छाला बिक्रि गर्ने क्रममा रहेको प्रहरीले जनाएको छ।
