लाेकपाटी न्यूजचितवन, ७ असार । चितवनमा दुई बस एकापसमा ठोक्किँदा २० जना घाइते भएका छन् । नारायणगढ–मुग्लिन सडकखण्ड अन्तर्गत चितवनकाे भरतपुर महानगरपालिका–२९ भतेरीमा आज दुई बस एकापसमा ठोक्किँदा २० जना घाइते भएका हुन् ।
जिल्ला प्रहरी कार्यालयका अनुसार काठमाडौँबाट बर्दियाको गुलरियातर्फ आउँदै गरेको ना ७ ख ९०७ नं को बस र महोत्तरीबाट काठमाडौँतर्फ जाँदै गरेको ना ५ ख ३०९९ नं को बस आपसमा ठोक्किएका हुन् ।
घाइतेमध्ये चार जनाको भरतपुर अस्पतालमा तथा अन्यको पुरानो मेडिकल कलेजमा उपचार भइरहेको जनाइएकाे छ ।
