लाेकपाटी न्यूजधनगढी, १९ चैत । बारा र पर्सामा आएको भीषण हावाहुरीका पीडितलाई सुदूरपश्चिम प्रदेश सरकारले एक करोड रकम प्रदान गर्ने भएको छ ।
सुदूरपश्चिम प्रदेश सरकारले पीडितलाई राहतका लागि एक करोड रकम प्रदान गर्ने भएको हो । मंगलबार बिहान बसेको मन्त्रिपरिषद् बैठकले हावाहुरी पीडितको राहत र पुनस्र्थापनाका लागि उक्त रकम प्रदान गर्ने निर्णय गरेको हो । बैठकपछि सुदूरपश्चिम प्रदेश सरकारका प्रवक्ता तथा आन्तरिक मामिला तथा कानुन मन्त्री प्रकाशबहादुर शाहले एक करोड रकम प्रदान गर्ने निर्णय भएको जानकारी दिएका हुन् ।
आइतबार राति आएको भीषण हावाहुरीका कारण पर्सा र बारामा २७ जनाले ज्यान गुमाएका छन् । भने ७ सय भन्दा बढी घाइते भएका छन् । उनीहरूको विभिन्न अस्पतालमा उपचार भइरहेको छ ।
