लाेकपाटी न्यूजकाठमाडौं, १९ चैत। चलचित्र कलाकार संघको निर्वाचन रोकिएको छ। जिल्ला प्रशासन कार्यालयले पत्र काटेपछि संघको चैत्र २३ गते हुने भनिएको निर्वाचन रोकिएको हो।
निर्वाचनका लागि २० जना भन्दा बढीले उम्मेदवारी समेत दर्ता गरिसकेका थिए। तर, गैह्र कलाकारलाई सदस्यता दिएको, तोकिएको समय भन्दा पनि पछि सदस्यता दिएको लगायतका बिषयमा उजुरी परेपछि प्रशासनले चुनाव रोक्न आदेश दिएको हो।मनोनयन दर्ता गरिसकेकाहरुको मनोनयन फिर्ता गरिएको छ।
अध्यक्ष पदका लागि सरिता लामिछाने र निर्देशक तथा कलाकार लय संग्रौलाले उम्मेदावरी दिएका थिए। कलाकार संघका अध्यक्ष रामकेशर बोगटीको दुर्घटनामा परेर निधन भएपछि संघले निर्वाचन गराउने तयारी गरेको थियो।
