लाेकपाटी न्यूज
चितवन, ३ चैत । पूर्वी चितवनमा प्रहरीको सक्रियता बढेको छ । प्रहरीको सक्रियता बढेसँगै जुवाँ खेल्ने पक्राउ परेका छन् भने अवैध काठ र लागूऔषध गाँजा बरामद भएको छ ।
इलाका प्रहरी कार्यालय टाँडीको टोलीले शनिबार रत्ननगर नगरपालिका–१२ जयमंगलामा जुवा खेलिरहेको अवस्थामा ८ जनालाई पक्राउ गरेको थियो । उनीहरुको साथबाट प्रहरीले एक लाख एक हजार ८२५ रुपैयाँ बरामद गरेको छ ।
त्यस्तै प्रहरीले शनिबार नै राप्ति नगरपालिका–१२ हङपुङबाट एक क्विन्टल ५ किलो अवैध लागूऔषध गाँजासमेत बरामद गरेको छ । त्यस्तै आइतबार कालिका नगरपालिका वडा नम्बर–८ जुटपानीबाट ना ६ त १६५८ नम्बरको ट्याक्टरमा लोड गरिएको ११० पिस सिसौको अवैध चिरान काठ बरामद गरेको छ ।
काठ बरामद भएको ट्याक्टर र ट्याक्टर चालक झगलाल प्रजालार्ई प्रहरीले नियन्त्रणमा लएर थप अनुसन्धानको लागि जिल्ला वन कार्यालय पठाएको इलाका प्रहरी कार्यालय टाँडीका प्रमुख प्रहरी नायव उपरीक्षक दयानिधि ज्ञवालीले बताए ।
प्रहरीले केहि दिन अघि एक हप्ताको लागि पूर्वी चितवनमा सञ्चालन गरेको एक टोल एक घण्टा अभियानको क्रममा एक लाख लिटर भन्दा बढी अवैध घरेलु मदिरा बरामद गरेर नष्ट गरेको थियो
