लाेकपाटी न्यूज
काठमाडौं, १७ फागुन । नेपाली कांग्रेसका सभापति शेरबहादुर देउवाले कञ्चनपुरमा बलात्कार पछि हत्या भएकी १३ वर्षीया बालिका निर्मला पन्तको परिवारलाई भेटेका छन् ।
पन्त परिवारलाई भेट्न देउवा कञ्चनपुरको भीमदत्त नगरपालिका स्थित पन्त निवासमा पुगेका हुन्। शुक्रबार बिहान सभापति देउवा पार्टीको कार्यक्रमका लागि कञ्चनपुर पुगेका थिए ।
सरकारले निर्मला पन्तका हत्यारा पत्ता लगाउन नसकेकाे भन्दै कांग्रेसले विराेध गर्दै आएको छ। देउवा निर्मलाको घरमा पुग्नुलाई अर्थपूर्ण रुपमा हेरिएको छ।
