लाेकपाटी न्यूजकाठमाडौं, ६ फागुन । बाराका प्रमुख जिल्ला अधिकारी गणेशप्रसाद भट्टराईको मृत्यु भएको छ ।
सडक दुर्घटनामा घाइते भएका प्रजिअ भट्टराईको त्रिवि शिक्षण अस्पताल महाराजगञ्जमा उपचारका क्रममा सोमबार निधन भएको हो ।
प्रजिअ भट्टराईका भाइ नरेश भट्टराईले उनको मृत्यु भएको बताए । उनले केही समय अघि दाजुको मृत्यु भएको र आफु अस्पतालमै रहेको जानकारी दिए ।
पूर्व पश्चिम राजमार्गको पसाहा पुल नजिक प्रमुख जिल्ला अधिकारी भट्टराई र सशस्त्र प्रहरी उपरीक्षक बलराम पोखरेल चढेको जीप दुर्घटना भएको थियो । माघ १२ गते बाराको निजगढमा आयोजित एक कार्यक्रममा भाग लिएर उनी कलैया जाँदै थिए ।
उक्त घटनामा परी प्रहरी उपरिक्षक पोखरेलको घटनास्थलमा नै निधन भएको थियो भने उनलाई उपचारका लागि े शिक्षण अस्पताल, महाराजगञ्ज ल्याइएको थियो ।
