लाेकपाटी न्यूजतिमी भनौला साथि
लेख्दैनस् तँ कविता
लेख्छस् नारा
हो
म लेखिरहेछु नारा
नारी बारे
उड्पिडन बारे
दलित मुद्दाबारे
वर्गबारे
लेख्ने र देख्ने म
नारा नै त जान्दछु
र लेख्छु नारा
म निरपेक्ष प्रगति
निरपेक्ष समृद्धि
पत्याउँदै पत्याउन्न
म वर्ग विहिन छ समाज
सोच्नै सक्दिन
म त विचार लेख्छु
व्यवहार हेरे
भाव लेख्छु
हेरेर असमानता
त्यसैले मैले अझ
लेख्नै छ धेरै धेरै
तिम्रो परिभाषामा
कविता नगनिने
नारा
त्यो नै मेरो
पारा हो पारा
तिमी जति आरोपित गर
गर जति बदनामको प्रयास
म
लेखिरहेछु
नारा नै नारा
आवाज नै आवाज
असन्तुष्टि नै असन्तुष्टि
असमानता र विभेद जनाउने
देखाउने बुझाउने
त्यसैलाई म
भन्छु साहित्य
हो म खुलेर भन्छु
म लेख्छु नारा
म लेख्छु नारा
नारा लेखिरहेछु ।
✍️ तेज विलास अधिकारी
