लोकपाटी न्यूजकाठमाडौं। नेपालमा थप ७३६ जनामा कोरोना पोजिटिभ देखिएको छ। २४ घण्टामा नेपालमा थप ७३६ जनामा कोरोना भाइरसको सङ्क्रमण पुष्टि भएको हो। योसहित अहिलेसम्म कोरोना सङ्क्रमितको सङ्ख्या दुई लाख ५० हजार नौ सय १६ जना पुगेको छ।
बुधबार थप आठ सय ४७ कोरोनामुक्त भएसँगै निको भएर घर फर्किनेको सङ्ख्या दुई लाख ३८ हजार पाँच सय सय ६९ छ। यस्तै गएको २४ घण्टामा कोरोना भाइरसको सङ्क्रमणका कारण १३ जनाको ज्यान गएको छ।
योसँगै सङ्क्रमणका कारण ज्यान गुमाउनेको सङ्ख्या एक हजार सात सय ४३ पुगेको छ। नेपालमा अहिले नौ हजार सात सय ५७ जना सक्रिय सङ्क्रमित आइसोलेशनमा रहेका छन्। गएको २४ घण्टामा पाँच हजार पाँच सय ५५ जनाको पीसीआर परीक्षण भएको छ।
