लोकपाटी न्यूजकाठमाडौं, १६ चैत। बिनाकारण सडकमा निस्किनेहरुलाई भेटिएकै ठाउँमा नेपाल प्रहरीले दुई घण्टा उभ्याउने भएको छ। प्रहरीले ‘लकडाउन’ उल्लंघन गर्नेलाई पक्राउ गर्ने सम्बन्धी नीति परिवर्तन गर्दै यस्तो निर्णय लिएको हो । आइतबारबाट ‘लकडाउन’को अवज्ञा गर्नेलाई सडकमै २ घण्टा उभ्याएर ‘लकडाउन’बारे जानकारी दिएर छाड्ने महानगरीय प्रहरी कार्यालय रानीपोखरीले जानकारी दिएको छ।
आज बिहानै उपत्यकाको तीनवटै जिल्लाबाट लकडाउन उल्लङ्घन गर्ने १ हजार ४७ जनालाई २ घण्टा सडकमै राखेर कक्षा लिएर छाडिएको छ। सरकारले कोरोना (कोभिड-१९) रोकथाम तथा नियन्त्रणका लागि लकडाउनको घोषणा गरेको छ। जसको छैठौं दिनमा उपत्यका प्रहरीले नीति परिवर्तन गरेको हो।
यसअघि लकडाउन उल्लंघन गर्नेलाई नियन्त्रणमा लिइँदै आएको थियो।
