लाेकपाटी न्यूजकाठमाडाैं । कवि हेनसेन याक्खाद्वारा रचित गीत ‘तिमी डुब्यौ कि मेरो प्रेममा’माथि निर्देशक देउकृष्ण देवान याक्खाले बनाएको म्युजिक भिडियो युट्युबमार्फत् सार्वजनिक भएको छ ।
गायिका अञ्जु पन्त र गायक उत्तमजङ्ग लिम्बू लावतीद्वारा स्वरबद्ध ‘तिमी डुब्यौ कि मेरो प्रेममा’ शीर्षक गीतमा उत्तमजङ्गकै सङ्गीत रहेको छ । देउकृष्ण निर्देशित म्युजिक भिडियोमा आयुषा लिम्बुखिम र तिलक खत्रीले अभिनय गरेका छन् भने छायाँकन शिरकुमार साम्पाङ राईको रहेको छ ।
निर्देशक देउकृष्णले गीतको भावलाई भिडियोमा कुशलतापूर्वक कलात्मक शैलीमा प्रस्तुत गरेका छन् । देउकृष्ण पछिल्लो समय लगातार म्युजिक भिडियो निर्देशनमा व्यस्त रहिआएका छन् ।
