लोकपाटी न्यूजजुम्ला । जुम्ला तिला गाउँपालिका ६ स्थित जनजागृति माबि घोडेमा विद्यार्थी र स्वास्थ्यकर्मीलाई कोरोना देखिएपछि विद्यालय बन्द गरिएको छ ।
विद्यालयमा अध्ययनरत धेरै जसो विद्यार्थी विरामी परेको र कोरोना जाँच गरेपछि सङ्क्रमण देखिएको थियो ।
वडाध्यक्ष जंगबहादुर रोकायाका अनुसार एक विद्यार्थी र एक स्वास्थ्यकर्मीलाई कोरोना देखिएको हो । उनीहरूलाई एन्टिजेन परिक्षण गरिएको थियो ।
विद्यालयले विज्ञप्ति निकालेर विद्यालय बन्द गरेको जनाएको छ । साउन १९ र २० गते विद्यालय बन्द गरिएको हो । कोरोना सङ्क्रमणबाट जोगिन, स्वास्थ्य सुरक्षाका मापदण्ड अपनाउन समेत आग्रह गरिएको छ ।
