लोकपाटी न्यूजदार्चुला । जिल्लाको व्याँस गाउँपालिका–२ मालघाट स्थित तुइनबाट महाकाली नदीमा खसेर एक युवक बेपत्ता भएका छन् ।
आज दिउँसो साढे ३ बजेतिर व्याँस गाउँपालिका–२ घर भएका १९ वर्षका सचिन बुढाथोकी भारतबाट आफ्नो घर व्याँस गाउँपालिकाको दुम्लिङ जाने क्रममा तुइन टुटेर महाकाली नदीमा खसेर बेपत्ता भएको जिल्ला प्रहरी कार्यालय दार्चुलाले जनाएको छ ।
सचिनले आफूसँगै धेरै तौल भएको सामान पनि तारिरहेको तथा तुइन टुटेको प्रत्यक्षदर्शीले बताएको प्रहरीले बताएको छ ।
यसअघि सोही ठाउँबाट तुइन तर्नेक्रममा व्याँस गाउँपालिका मालका जयसिंह धामी पनि महाकाली नदीमा खसेर बेपत्ता भएका थिए । जयसिंह धामी अझै बेपत्ता छन् । बेपत्ता बालकको खोजीकार्य भइरहेको जनाइएको छ ।
