लोकपाटी न्यूजकाठमाडौं। पछिल्लो चौबिस घण्टामा नेपालमा थप १७ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार शनिबार थप १७ जनामा संक्रमण पुष्टि भएको हो।
आज ४ हजार ५४३ जनाको कोरोना परीक्षण गर्दा सो संख्यामा संक्रमित थपिएका हुन्। एक हजार ९९३ जनाको पीसीआर र २ हजार ५५० जनाको एन्टिजेन परीक्षण गर्दा १७ जनामा संक्रमण पुष्टि भएको मन्त्रालयले जनाएको छ।
योसँगै देशभर सक्रिय संक्रमितको संख्या ३ हजार ५९५ जना रहेको छ। त्यस्तै, शनिबार ४०९ जना संक्रमित निको समेत भएका छन्। पछिल्लो चौबिस घण्टामा नेपालमा कोरोनाका कारण मृत्यु हुनेको संख्या शून्य रहेको मन्त्रालयले जनाएको छ।
