लोकपाटी न्यूजकाठमाडौं। युक्रेनका राष्ट्रपति भोलोदिमिर जेलेन्स्कीले आफू अझै पनि युक्रेनमै रहेको बताएका छन्। उनले आफ्नो आधिकारिक इन्स्टाग्राममार्फत आफू अझै युक्रेनको राजधानी सहर किभमा रहेको र देश छाडेर कतै नभागेको बताएका छन्।
जेलेन्स्कीले लेखेका छन्, ‘प्रत्येक दुई दिनमा म कहिले युक्रेनबाट, कहिले किभबाट त कहिले कार्यालयबाट भागेको भन्ने समाचार आइरहेका छन्। तपाईँहरुले देख्नुभएको जस्तै म आफ्नै स्थान एन्द्री बोरिसोभिक (येर्माक)मा छु। कोही पनि कतै भागेको छैन। हामीहरु यहाँ काम गरिरहेका छौं।’
यसअघि केही रुसी सञ्चारमाध्यमहरुले जेलेन्स्की युक्रेन छाडेर पोल्याण्ड पुगेको समाचार प्रकाशित गरेका थिए।
