लोकपाटी न्यूजदाङ। राष्ट्रिय सभा निर्वाचनको मतदान सकिएसँगै लुम्बिनी प्रदेशमा मतगणना सुरु भएको छ। राष्ट्रियसभाको रिक्त १९ सदस्यका लागि आज सात वटै प्रदेशमा मतदान भएको थियो। मतदानमा प्रदेश सभा सदस्य र स्थानीय तहका प्रमुख तथा उपप्रमुख गरी कूल २०२५ जना मतदाता थिए।
राष्ट्रिय सभा निर्वाचनमा सत्तारूढ गठबन्धन र नेकपा एमालेका उम्मेदवारहरूबीच मुख्य प्रतिस्पर्धा रहेको छ। १९ पदका लागि विभिन्न १२ दलबाट ४३ जना उम्मेदवार छन्। राष्ट्रिय सभा निर्वाचनमा सत्ता गठबन्धन र एमालेबीच प्रतिस्पर्धा भएको छ।
