लोकपाटी न्यूजकाठमाडौं। काठमाडौं उपत्यकामा थप ३ सय ८० जना कोरोना संक्रमित थपिएका छन्। जसमध्ये काठमाडौंमा २ सय ६१, ललितपुरमा ७४ जना र भक्तपुरमा ४५ जना कोरोना संक्रमित थपिएका हुन्।
काठमाडौंमा ५३७७, भक्तपुरमा १०४० र ललितपुरमा १३८५ गरी ७८०२ सक्रिय संक्रमित छन्। पछिल्लो २४ घण्टामा २ हजार २ सय ३९ जनामा कोरोना संक्रमण पुष्टि भएको छ। २४ घन्टामा ११ हजार ३ सय १३ परीक्षणबाट उक्त संख्यामा संक्रमण पुष्टि भएको हो।
मन्त्रालयका अनुसार मुलुकभरमा ६६५७ जनाको पिसिआर परीक्षणबाट १४७९ जनामा संक्रमण पुष्टि भएको छ भने ४६५६ जनाको एन्टिजेन परीक्षणबाट ७६० जनामा पुष्टि भएको छ। मन्त्रालयका अनुसार पछिल्लो २४ घन्टामा १३१६ जना संक्रमणमुक्त भएका छन्। यस्तै २० जनाको मत्यु भएको मन्त्रालयले जानकारी दिएको छ।
