सरकार सत्ता जोगाउन मात्रै लागिपरहेको छ : काङ्ग्रेस सभापति देउवा

Sher Bahadur Deuba
लोकपाटी न्यूज

काठमाडौं। नेपाली कांग्रेसले कोरोना भाइरस नियन्त्रणका लागि प्रभावकारी कदम चाल्न आग्रह गरेको छ। पार्टी सभापति शेरबहादुर देउवाले बिहीबार विज्ञप्ति जारी गर्दै सरकार कोरोना भाइरसको रोकथाम, उपचार र राहतमा केन्द्रित हुनुपर्नेमा सत्ता मात्र जोगाउन लागिपरहेको बताएका छन्।

“सरकारको नेतृत्वको सम्पूर्ण ध्यान भने जसरी पनि सरकारमा टिकिरहन पर्छ भन्ने मात्र भएकाले जनताको आवश्यकता र पिरमर्काहरू गौण हुन पुगेका छन्,” देउवाले जारी गरेको विज्ञप्तिमा भनिएको छ। उनले मित्रराष्ट्र र संघ-संस्थाहरुबाट आएका विभिन्न सहयोगको सरकारले दुरुपयोग र पार्टीकरण गरिरहेको आरोप पनि लगाएका छन्। त्यस्ता काम रोके कारोना नियन्त्रणका केन्द्रित हुन उनका आग्रह छ।

“देशको हरेक गाउँरनगरपालिका र वडा तहसम्म पीसीआर परीक्षणको व्यवस्था गर्न, संक्रमण रोक्न सशक्त सचेतना अभियान संचालन गर्न, ग्रामीण र दुर्गम क्षेत्रका संक्रमित नागरिकहरुलाई समेत उपचारको सुविधा सुनिश्चित गर्न,” विज्ञप्तिमा छ,“निषेधाज्ञालाई व्यवहारिक र प्रभावकारी तर जनअधिकार र जनताका आवश्यकतालाई केन्द्रविन्दुमा राखी आवश्यकता अनुसार कार्यान्वयन गर्न तथा विदेशी मित्रराष्ट्र र संघ–संस्थाहरुबाट आएको सहयोगको दुरुपयोग र पार्टीकरण बन्द गर्न माग गर्दछु।”

देउवाले खोपलगायत स्वास्थ्य सामग्री खरिद र आपूर्तिमा देखिएका अनियमितता र भ्रष्टाचारको निष्पक्ष जाँचको लागि पनि सरकारसँग माग गरेका छन्। उनले कांग्रेसको तर्फबाट सरकारलाई दिएको १५ बुँदे ज्ञापन-पत्रलाई गम्भीरताका साथ लिन पनि आग्रह गरेका छन्।

यस्ताे छ देउवाले जारी गरेकाे विज्ञप्ति :

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्