लोकपाटी न्यूजकाठमाडौं। राष्ट्रिय प्रजातन्त्र पार्टी (राप्रपा) का अध्यक्ष कमल थापाले संविधानको धारा ७६ (५) अनुसार विश्वासको मत प्राप्त गर्ने आधार नभएको बताएका छन्। प्रधानमन्त्री एवं नेकपा एमाले अध्यक्ष केपी शर्मा ओली र नेपाली कांग्रेसका सभापति शेरबहादुर देउवाले आ-आफ्नो बहुमत देखाएर ७६ (५) अन्तर्गतको सरकारमा दावी गरेलगत्तै ट्वीट गर्दै थापाले दुबै दावीमा विश्वासको मत प्राप्त गर्ने आधार नभएको टिप्पणी गरेका हुन्।
उनले दुबै दावीमा जाली र कीर्ते गरिएको भन्दै दुवै खारेजगरी संविधान बमोजिम चुनाव घोषणा गर्न राष्ट्रपतिलाई सुझाव समेत दिएका छन्। सत्ता र प्रतिपक्षीले संघीय गणतन्त्रलाई गाईजात्रामा परिणत गरेको र लोकतन्त्रको नाममा ब्रम्हलुट गरेको आरोप लगाउँदै थापाले अब जनतालाई विकल्प खोज्ने अवसर दिनुपर्ने उल्लेख गरेका छन्।
राष्ट्रपति महोदय,दुवै दावीमा संविधानको धारा ७६(५)अनुसार 'बिश्वासको मत प्राप्तगर्ने'आधार छैन।
दुवै जाली/किर्ते हुन्।दुवै खारेजगरी संविधान बमोजिम चुनाव घोषणाहोस्।यिनीहरूले संघीय गणतन्त्रलाई गाईजात्रामा परिणत गरे,लोकतन्त्रको नाममा ब्रम्हलुट गरे।अब जनतालाई विकल्प खोज्ने अवसर दिनुपर्छ— Kamal Thapa (@KTnepal) May 21, 2021
