लोकपाटी न्यूजकाठमाडौं। नेपाली कांग्रेसले संसदीय दलको बैठक बोलाएको छ। प्रतिनिधिसभा पुनर्स्थापनापछि २३ गते संसदमा प्रस्तुत हुने विषयमा निर्णय गर्न कांग्रेसले यही फागुन २१ गते शुक्रबार संसदीय दलको बैठक बोलाएको हो।
बैठक दिउँसो १ बजे संघीय संसद भवन, बानेश्वर स्थित ल्होत्से हलमा बस्ने कांग्रेसले जानकारी दिएको छ। सरकारको सिफारिसमा राष्ट्रपतिले फागुन २३ गते अपराह्न ४ बजेका लागि संसद बैठक आह्वान गरेकी छन्। संघीय संसदको प्रतिनिधिसभामा नेपाली कांग्रेसका ६३ सांसद छन्। जसमध्ये विजयकुमार गच्छदार र मोहम्मद अफताब आलम निलम्बित अवस्थामा छन्।
