लोकपाटी न्यूजकाठमाडौं। नेपाल कम्युनिष्ट पार्टी (नेकपा) का वरिष्ठ नेता झलनाथ खनालले व्यक्तिगत लाभका लागि राज्यसत्ताको चरम दुरुपयोग भएको बताएका छन्। शुक्रबार पेरिसडाडाँमा आयोजित कार्यक्रममा नेता खनालले प्रधानमन्त्री ओली सरकार र पार्टी दुवैतर्फ असफल भएकाले नयाँनयाँ संकट आउन थालेको टिप्पणी गरे। यद्यपि ओलीलाई सच्याउन आफूहरुले प्रयास जारी राखेको उनको भनाई छ।
पार्टी विधि र पद्दतिमा चले बहुमत सचिवालय सदस्यहरुको जित हुने उनले बताए। ‘कतिपयले पद पाउनु असन्तुष्टि भन्ने टिप्पणी गरेको सुन्छु। तर, त्यस्तो होइन। नेकपा विधि र पद्दतिमा हिडेँ हाम्रो जित हुनेछ।’ खनालको भनाइ थियो। यद्यपि एकीकरण भएबाटै पार्टी विधि र पद्दतिमा चल्न छोडेको उनले बताए।
‘पार्टी एकता ऐतिहासिक काम थियो। हामी उत्साहित र खुशी भयौं। तर, एकतालाई व्यक्तिगत लाभका नाममा दुरुपयोग गर्ने प्रयत्न भयो,’ खनालले भने। उनले पार्टी एकता एकीकरणको सुरुबाटै अध्यक्ष एवम् प्रधानमन्त्री केपी शर्मा ओलीले मनपरी गर्न थालेको बताए। बदमासी र मनपरीकै कारण अहिले पार्टीमा संकट देखिएको खनालको भनाइ थियो।
