लोकपाटी न्यूजकाठमाडौं। पूर्वप्रधानमन्त्री तथा जनता समाजवादी पार्टीका नेता डा. बाबुराम भट्टराईले राष्ट्रपति विद्यादेवी भण्डारीमाथि महाअभियोग लगाउनु पर्ने बताएका छन्।
डा. भट्टराईले बुधबार सामाजिक सञ्जाल ट्वीटरमार्फत् राष्ट्रपति भण्डारीले संविधान र लोकतन्त्रमाथि गम्भीर खेलवाड गरिरहेको भन्दै महाअभियोग लगाउनु पर्ने बताएका हुन्।
तत्काल संसद अधिवेशन बोलाएर महाअभियोग लगाउनु पर्ने उनको भनाइ छ। प्रधानमन्त्री केपी ओली र राष्ट्रपति भण्डारीको कदम संविधान विरोधी रहेकाले वक्तव्यवाजी वा गनगन मात्रै नगरेर महाअभियोग प्रक्रियामा जानुपर्ने उल्लेख गरेका छन्।
सरकारले मंलबार संवैधानिक परिषद्सम्बन्धी अध्यादेश जारी गरेपछि चौतर्फी रुपमा विरोध भईरहेको छ।
महाभारतका दुर्योधनहरूले द्रौपदीको चीरहरण गरिरहदा भीष्महरू मौन बसेझैं ओलीले संविधान र लोकतन्त्रको हुर्मत लिइरहॅदा सत्तापक्षभित्रका र विपक्षका नेताहरू वैठक/वक्तब्यवाजी/गनगन गरेर मात्र बस्ने हो कि बेलैमा प्रम र रापका थप धुन्धुकारी हर्कत रोक्न संसद अधिवेसन र महाभियोग तर्फ लाग्ने हो?
— Baburam Bhattarai (@brb1954) December 15, 2020
