लोकपाटी न्यूजपोखरा, २६ असार। कास्कीमा पहिरोमा परी मृत्यु भएका परिवारलाई १ लाख रुपैयाँ राहत उपलब्ध गराइने भएको छ। यस्तै घाइतेको उपचार निःशुल्क गरिने भएको छ।
जिल्ला विपद् व्यवस्थापन समिति कास्कीको शुक्रबार बसेको बैठकले मृतकका परिवारलाई १ लाखका दरले तत्काल राहन उपलब्ध गराउने र घाइतेको निःशुल्क उपचार गराउने निर्णय गरेको हो।
बिहीवारदेखि परेको अविरल वर्षाका कारण कास्कीका विभिन्न ठाउँमा पहिरो गएको छ। पहिरोमा परी ७ जनाको मृत्यु भएको छ भने १३ जना घाइते भएका छन्।
