लोकपाटी न्यूजकाठमाडौं, २० असार। प्रधानमन्त्री तथा नेकपाका अध्यक्ष केपी शर्मा ओलीले मन्त्रीहरुसँग छलफल गर्दै छन्।नेकपाभित्रको विवाद बढिरहेको बेला प्रधानमन्त्रीले मन्त्रीहरुसँग गर्न लागेको छलफललाई महत्वका साथ हेरिएको छ।
प्रधानमन्त्रीले बेलुका ७ बजे मन्त्री र राज्यमन्त्री छलफलका लागि बोलाएका प्रेस सल्लाहकार सूर्य थापाले जानकारी दिए। प्रधानमन्त्रीले मन्त्री र राज्यमन्त्रीहरुबाट सल्लाह लिने र सरकार सञ्चालनलाई थप प्रभावकारी बनाउने हिसाबले छलफल गर्ने सल्लाहकार थापाले बताए।
जारी स्थायी कमिटी बैठक थप दुई दिनलाई स्थगित गरेर ओली र प्रचण्ड–नेपाल समूह अलग अलग छलफलमा जुटेको हो। शनिबार (आज) बिहान ११ बजेका लागि बोलाइएको स्थायी समिति बैठक थप छलफल र सहमतिका प्रयासका लागि भन्दै सोमबारसम्मका लागि सारिएको हो।
