लोकपाटी न्यूजकाठमाडौं, १७ जेठ। नेपाल कम्युनिष्ट पार्टी नेकपाको सचिवालय बैठक बाल्वाटारमा जारी छ। जारी सचिवालय बैठकमा एमसिसीबारे छलफल भएको छ।
नेकपाका केही सचिवालय सदस्य संसदबाट पारित हुन बाँकी रहेको र विवादित बनेको एमसिसी बजेटमा समावेश गरेको भन्दै रूष्ट छन्।यसअघि नेकपाले सचिवालय सदस्य झलनाथ खनाल, स्थायी कमिटी सदस्यहरू रावल र ज्ञवाली सम्मिलित एमसिसी अध्ययन कार्यदल बनाएको थियो।
एक सचिवालय सदस्यका अनुसार बैठकमा एमसिसी कार्यदलले तयार पारेको प्रतिवेदनबारे छलफल हुँनेछ भने बैठकमा अर्थमन्त्री युवराज खतिवडा, परराष्ट्रमन्त्री प्रदीप ज्ञवाली र स्थायी कमिटी सदस्य भीम रावल पनि सहभागी छन्। सरकारले संसदको यो अधिवेशनमा एमसिसी पारित गर्ने तयारी गरेको छ।
