लोकपाटी न्यूजकाठमाडौं, २७ चैत। विश्वका करिब १८४ देशमा देखिएको कोरोना भाइरसबाट ज्यान गुमाउनेको संख्या ८८ हजार भन्दा बढि पुगेको छ। वल्डोमिटरको तथ्यांक अनुसार कोभिड-१९ बाट विश्वभर १५ लाख १८ हजार ५१८ जना मानिस संक्रमित भएका छन्। ती मध्ये ८८ हजार ४९५ जनाको मृत्यु भएको हो।
सबैभन्दा बढी संक्रमितको संख्या अमेरिकामा ४ लाख ३४ हजार ९२७ रहेको छ। त्यस्तै स्पेनमा १ लाख ४८ हजार २२०, इटालीमा १ लाख ३९ हजार ४२२, जर्मनीमा १ लाख १३ हजार २९६, फ्रान्समा १लाख १२ हजार ९५० तथा चीनमा ८१ हजार ८६५ संक्रमित भएका छन्।
यसैगरी कोभिड-१९ का कारण इटालीमा सबैभन्दा धेरै १७ हजार ६६९ जनाको मृत्यु भएको छ। त्यस्तै, स्पेनमा १४ हजार ७९२, अमेरिकामा १४ हजार ७८८ जनाको मृत्यु भएको छ। यसैगरी कोभिड-१९ बाट संक्रमित भएकामध्ये ३ लाख ३० हजार ५८९ जना निको भएका छन्।
