लोकपाटी न्यूजकाठमाडौं,२३ चैत। विश्वभरि महामारीका रुपमा फैलिएको कोरोनाभाइरसको संक्रमणबाट आइतवार दिउँसोसम्म विश्वका विभिन्न देशमा गरी ६४ हजार ७४३ जनाको मृत्यु भएको छ। आइतबार दिउँसो १२ बजेसम्मको विवरणअनुसार संसारभरि १२ लाख ३ हजार १०१ व्यक्ति कोरोना भाइरसबाट संक्रमित भएका छन्।
संक्रमित व्यक्तिहरुमा २ लाख ४६ हजार ७५३ जना उपचारपछि घर फर्किएका छन् भने ८ लाख ९१ हजार ६०५ व्यक्ति हाल उपचाररत छन् ।
चीनको हुपेई प्रान्तको वुहान शहरबाट शुरु भएको कोभिड–१९ लाइ डब्लुएचओले ‘विश्वव्यापी महामारी’को सङ्ज्ञा दिएको छ। हाल कोरोना भाइरसका कारण अत्यन्त प्रभावित इटालीमा १५ हजार ३६२ जनाको मृत्यु भइसकेको भने १ लाख २४ हजार ६३२ संक्रमित छन् । स्पेनमा ११ हजार ९४७ जनाको मृत्यु भएको छ भने १ लाख २६ हजार भन्दा बढीसङक्रमित रहेका छन्।
कोरोना भाइरसको अर्को केन्द्रका रुपमा विकास भइरहेको संयुक्तराज्य अमेरिकामा ८ हजार ४५४ जनाको मृत्यु भएको छ भने ३ लाख ११ हजारभन्दा बढी संक्रमित छन्। कोरोना भाइरस संक्रमणबाट चीनमा ३ हजार ३२९ जनाको मृत्यु भएको छ भने कुल संक्रमित ८१ हजार ६६९ जनामध्ये करिब ७७ हजार व्यक्ति निको भएर घर फर्किएका छन्।
