लाेकपाटी न्यूजकाठमाडौं। नेपाल कम्युनिष्ट पार्टी (नेकपा) का अध्यक्ष पुष्पकमल दाहाल र नेपाली कांग्रेसका सभापति शेरबहादुर देउवाबीच भेटवार्ता भएको छ।
देउवा निवास बूढानिलकण्ठमा आज बिहान ९ बजे दुई नेताबीच भेटवार्ता भएको दाहालका प्रेस सल्लाहकार विष्णु सापकोटाले बताए।
दाहाल र देउवाबीच समसामयिक राजनीतिक विषयमा कुराकानी भएको बताइएको छ।
स्रोतका अनुसार भेटवार्तामा सत्य निरूपण तथा मेलमिलाप आयोग र बेपत्ता छानबिन आयोगको नेतृत्वको विषयमा समेत उनीहरुबीच छलफल भएको छ।
