लाेकपाटी न्यूजकाठमाडौं, १६ पुस। प्रधानमन्त्री केपी शर्मा ओलीले बालबालिकासँग आफ्नो बाल्यकालको स्वभावबारे बताएका छन्।
बुधवार राजधानीमा आयोजित ‘नयाँ वर्ष-नयाँ पाइला बालबालिकासँग प्रधानमन्त्री’ नामक कार्यक्रममा प्रधानमन्त्री केपी शर्मा ओलीले विद्यार्थीहरुले राखेका विभिन्न प्रश्नहरुको जवाफ दिइरहेका छन्।
मञ्चमा प्रधानमन्त्री केपी शर्मा ओली र राधिका साक्य(ओली पत्नी) सँग सँगै बसेका केही विद्यार्थीले प्रधानमन्त्री ओलीलाई प्रश्न गरेका थिए। एक विद्यार्थीले बाल्य अवस्थामा तपाईंको स्वभाव कस्तो थियो भनेर प्रधानमन्त्री ओलीलाई प्रश्न गरेका थिए। प्रधानमन्त्री ओलीले यसरी दिए जवाफ। म औषत स्वभावको थिएँ। साधारण तया पढ्न अलिबढी रुचि थियो।
पढ्न भन्दा खेल्न मन बढी लाग्थ्यो। बढी खेल्दा डर लाग्थ्यो कहिलेकाही । खेल्न लागेर पढाइ विग्रन्छ कि भनेर सोच्थे । अहिले को जस्तो खेलेर पनि केही गर्न सकिन्छ भन्ने अवस्था थिएन। अर्थात पहिला खेल अहिलेको जस्तो महत्वपूर्ण थिएन। त्यो बेलामा। त्यही भएर खेल्नुलाई राम्रो मानिदैन थियो। म झुठ बोल्न नसक्ने मानिस हुँ। बाल्यकालमा पनि झुठ बोल्न सक्दिन थिएँ । त्यसकारण प्राय साथीहरुले मलाई कतिपय कुराहरु भन्दैन थिए। म कुरा लुकाउन र झुठ बोल्न नसक्ने। कहिले काही साथीहरुले भनेका झुठा कुराहरु भनिदिन्थेँ। त्यही भएर मेरो आलोचना पनि गर्थे साथीहरु। किन भनिस् भनेर गाली गर्थे । तर म लुकाउँनै सक्दिन थिएँ के गर्ने ?
साथीहरुले यो कुरा चाँहि नभन है भन्थे । म पनि साथीहरुसँग हुन्छ भन्दिन्थें । तर अभिभावक, वुवा आमा, शिक्षकले के भएको हो भन्– भनेपछि म खुत्रुक्क भन्दिन्थें । मलाई बाल्यकालमा पुराना शास्त्रहरु पनि पढ्न मन लाग्थ्यो । घरका कामहरु म प्राय सक्ने सबै गर्थे। गोठको काम, लुगा धुने, भाँडा माँझ्ने काम।
घरका कामहरु सानो हुन्छ भन्ने थाहा नै थिएन। म सबै गर्थे । भाँडा माझ्ने कपडा धुने लागयतका काम गर्थे । ति काम साना भन्ने गर्दा रहेछन्, पछि आएर थाहा पाए। तर कामहरु साना हुँदैनन्। एउटा आज्ञाकारी विद्यार्थी र आज्ञाकारी परिवारको सदस्य थिएँ।
