लाेकपाटी न्यूजकाठमाडौं, १७ मंसिर। नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले सचिवालय बैठक बोलाएका छन्। ‘कार्यकारी अध्यक्ष’ भएको २ हप्तापछि प्रचण्डले सचिवालय बैठक बोलाएका हुन्।
बुधबार बिहान ९ बजे नेकपा मुख्यालय धुम्बाराहीमा प्रचण्डले सचिवालय बैठक आह्वान गरेका। सचिवालय बैठकमा उपचुनावको समीक्षासहित, प्रधानमन्त्री ओलीलाई स्वास्थ्य लाभको कामना गर्ने विषयमा छलफल हुने जनाइएको छ।
मंसिर ४ गते बसेको सचिवालय बैठकले प्रचण्डलाई कार्यकारी अध्यक्षको अधिकार दिने निर्णय गरेको थियो। प्रधानमन्त्री केपी शर्मा ओली उपचारका लागि अस्पतालमा रहेका बेला प्रचण्डले सचिवालय बैठक बोलाएका हुन्।
