लाेकपाटी न्यूजकाठमाडौं, ४ मंसिर। प्रधानमन्त्रीसँग विवाद र ’इगो’ बढेपछि आफूलाई हटाउन पटक-पटक प्रधानमन्त्रीलाई भनेको उद्योग मन्त्री मातृका यादवले दाबी गरे। ‘मलाई कामै गर्न नदिने मनसाय बुझेपछि मैले पटक-पटक प्रधानमन्त्री र सिएम प्रचण्डलाई नै मलाई हटाउन भनेको थिएँ,’ उनले भने।
तपाईंले आफैं किन राजीनामा नदिनु भएको त भन्ने प्रश्नमा उनले भने, ‘मेरा मतदातालाई मैले काम गर्छु भनेर आएको छु। राजीनामा दिँदा भागेजस्तो हुन्छ। मैले कामै गर्न नखोजेको होइन मलाई काम गर्न नदिइएको हो। कि काम गर्न दिनु प¥पो कि हटाउनु प¥यो भनेको हुँ,’ यादवले भने।
अहिले आएर प्रधानमन्त्रीले आफूलाई हटाएकोमा कुनै गुनासो नरहेको उनले बताए। ‘त्यहाँ बसेर कामै गर्न नपाउनु भन्दा मलाई हटाएको नै राम्रो। म त एकदम खुसी छु।’
नियुक्त भएको ४ महिना पनि नपुग्दै उद्योग मन्त्री मातृका यादवको प्रधानमन्त्री केपी शर्मा ओलीसँग मन्त्रिपरिषदमै भनाभन परेको थियो। झापाको दमकमा बन्न लागेको औद्योगिक पार्कको विषयमा प्रधानमन्त्रीसँग उनको भनाभन परेको थियो।
