लाेकपाटी न्यूजकाठमाडौं। राष्ट्रिय मानव अधिकार आयोगले नेत्रविक्रम चन्द ‘विप्लव’ समूहका सर्लाही इञ्चार्ज कुमार पौडेलको हत्या प्रकरणबारे दोहोरो भिडन्तमा मृत्यु नभएको निश्कर्ष निकालेको छ । घटनाबारे आयोगले स्थलगत अनुसन्धान गरी तयार पारेको प्रतिवेदनका आधारमा पौडेलको मृत्यु दोहोरो भिडन्तमा नभइ अनावश्यक प्रहरीको बल प्रयोगबाट भएको निष्कर्ष निकालेको हो ।
घटनामा प्रत्यक्ष संलग्न प्रहरी र उक्त टोलीको नेतृत्व गरेका प्रहरी अधिकारीविरूद्ध मुद्दा चलाउन आयोगले सरकारलाई निर्देशन दिने निर्णय गरेको आयोग स्रोतले जनाएको छ । अनुसन्धानका क्रममा आयोगले बारम्बार ताकेता गर्दा पनि शव परीक्षण (पोष्टमोर्टम) र प्रहरी प्रतिवेदन नपाए पछि तीनदिने म्याद तोकेर प्रहरी प्रधान कार्यालयलाई दुवै प्रतिवेदन बुझाउन निर्देशन दिएको थियो।
गत असार ५ गते सर्लाहीको लालबन्दी नगरपालिका १ लखनदेहीस्थित जंगलमा भएको भनिएको दोहोरो भिडन्तमा पौडेल मारिएका थिए । उक्त घटनालाइ प्रहरीले दोहोरो भिडन्त भने पनि सत्तारुढ नेपाल कम्युनिस्ट पार्टी (नेकपा) का सांसदहरुले नै घटनाका विषयमा प्रश्न उठाएका थिए । त्यस्तै घटनालाई लिएर प्रमूख प्रतिपक्षी नेपाली कांग्रेसले संसद अवरुद्ध गरेको थियो ।
मानवअधिकार आयोगको प्रेस विज्ञप्तिः
