लाेकपाटी न्यूजकाठमाडौं, २ साउन । स्थानीय तहलाईका सेवा सुविधाबारे जनतालाई जानकारी दिन स्थानीय तहले मोवाइल एप निर्माण गरिरहेका छन् । अहिले सम्म ३९३ वटा स्थानीय तहले आफ्नो मोवाइल एप निर्माण गरिसकेका छन् ।
सर्वसाधारणसँग नजिक बनाउन, सुशासन कायम गर्न, पहुँच सहज बनाउने उदेश्यका साथ मोवाइल एप निर्माणमा स्थानीय तहले जोड दिइरहेका हुन् । मोवाइल एप संचालनबाट स्थानीय तहको वित्तीय तथ्यांक प्राप्तीमा पनि सहयोग पुगेको मन्त्रालयले उल्लेख गरेको छ ।
यसका साथै स्थानीय तहले वेवसाइट पनि निर्माणमा समेत जोड दिइरहेका छन् । केही स्थानीय तहले वेवसाइट समेत संचालनमा ल्याइसकेका छन् । यसैगरी, सरकारले सामुदायिक विद्यालयमा सूचना प्रविधि प्रयोगशाला स्थापना गर्दैछ । त्यसका लागि अहिले देशभरका ९३० विद्यालय छनोट भइसकेको मन्त्रालयले उल्लेख गरेको छ ।
ती विद्यालयमा उपकरण जडान गरी विद्यालयलाई सुविधा सम्पन्न बनाउने योजना सरकारको छ ।
