लाेकपाटी न्यूजबाँके, ४ जेठ। बाँके क्षेत्र नम्बर १(क) बाट निर्वाचित प्रदेश सभा सदस्य कृष्णा केसी ‘नमूना’ चढेको गाडी शुक्रबार साँझ नरैनापुरमा तोडफोड भएको छ।
प्रहरी चौकी घेराउ गरिरहेको समुहले केसी चढेको गाडीमा तोडफोड गरेको हो। प्रहरी चौकी घेराउका क्रममा केसी निर्वाचन क्षेत्रको भ्रमण गरी कटकुइयाबाट फर्कँदै थिईन्।नरैनापुरमा ब्यवसाय गर्ने भारतीय नागरिक चरेस सहित पक्राउ गरेपछि स्थानिय आक्रोशित हुँदै प्रहरी चौकी घेराउ गरेका थिए।
निर्दोषलाई फसाउन खोजेको भन्दै स्थानीयले रिहाइको पहल गरिदिन केसीलाई दवाब दिएका थिए। केसी त्यहाँबाट अघि बढ्न खोज्दा उनी चढेको गाडीमाथि तोडफोड भएको हो। तोडफोडबाट सामान्य क्षति पुगेको छ।
