लाेकपाटी न्यूज
काठमाडौं,१३ चैत। परराष्ट्रमन्त्री प्रदीप ज्ञवालीले सरकारले शारीरिक र मानसिक अपांगता भएका बालबालिकाका लागि देशभरि नै पुनःस्थापना केन्द्र स्थापना र भत्ताको व्यवस्था गर्न लागेको बताए।
बुधबार काठमाडौंमा आयोजित एक कार्यक्रममा उनले शारीरिक र मानसिक अपांगता भएका व्यक्तिहरुलाई परिवार, समाज र देशले बोझका रुपमा लिन नहुने बताए।
कार्यक्रममा मन्त्री ज्ञवालीले मानसिक पक्षघात भएका बालबालिकाको पीडा समेटेर नरेशकुमार प्रधानको शब्दमा तयार पारिएको एउटा गीतको श्रव्यदृष्य सार्वजनिक गरेका थिए।
