लाेकपाटी न्यूजकाठमाडौं, ८ माघ । संसदीय सुनुुवाई बिशेष समितिमा २ राजदूत र संयुक्तराष्ट्र संघका स्थायी प्रतिनिधिबारे सुनुवाइ हुँदैछ । सुनुवाईको लागि अहिले संसदीय सुनुुवाई बिशेष समितिको बैठक बसिरहेको छ ।
बैठकमा क्यानडाको लागि राजदूतमा सिफारिस भएका भृगु ढुंगाना, कुवेतको राजदूतको लागि प्रस्तावित दुर्गाप्रसाद भण्डारी र संयुक्तराष्ट्र संघको स्थायी प्रतिनिधिलाई सिफारिस मणिप्रसाद भट्टराईबारे छलफल भइरहेको हो ।
सरकारले पुस ६ र ९ गते ढुंगाना तथा भण्डारीसहित ४ राजदूत र भट्टराईलाई संयुक्तराष्ट्रको स्थायी प्रतिनिधि सिफारिस गरेको थियो ।
त्यसमध्ये थाइल्याण्डको लागि राजदूतमा प्रतावित गणेशप्रसाद ढकाल र फ्रान्सको राजूतमा प्रस्तावित दीपक अधिकारीको यसअघि नै सुनुवाइ भइसकेको छ । समितिले उनीहरुलाई राजदूतको लागि अनुमोदन गरिसकेको छ । अनुमोदन गरेपछि राष्ट्रपतिले राजदूत नियुक्त गर्ने संवैधानिक प्रावधान छ ।
